Rıkkı Hatton: Janat Jaqııanov - bolashaǵy zor boksshy
ASTANA. QazAqparat - Ótken demalysta qazaqstandyq boksshy Janat Jaqııanov Ionzefa Parehony tize búktirip, jankúıerlerine jeńis syılady. Ol WBA tıtýlyn ýaqytsha ıelendi. Janattyń promoýteri, burynǵy álem chempıony Rıkkı Hatton Janat aldaǵy ýaqytta chempıondyq belbeýlerin biriktiredi dep otyr, dep jazady sports.kz.
«Men Janattyń jeńisin maqtan tutamyn. Ol óte myqty boksshymen beldesti. Jospar boıynsha jumys jasap, sońynda jeńiske jetti. Qazaqstandyqtar boksty jaqsy kóredi. Men Janattyń týǵan eliniń qaharmany bolatynyna senemin. Qazaqstanda Golovkın, Shúmenov sııaqty keremet boksshylar bar. Endi Janat ta álem chempıony boldy. Bul jeńis bizge úlken múmkindikterdi ashty. Menińshe, ol 2016 jyly chempıondyq belbeýlerin biriktiredi», - dedi ol.
