Rıhard Zorgeniń uly Bakýde úı-kúısiz qaldy
ASTANA. 16 mamyr. QazAqparat - Keńestik barlaýshy Rıhard Zorgeniń Bakýde turatyn uly úı-kúısiz adamǵa aınalǵan. Bul týraly Lenta.rý AZE.az agenttigine silteme jasap habarlady.
Derekkózdiń aqparaty boıynsha, er adam pátersiz qalǵan jáne zeınetaqy da almaıdy.
Bakýdiń belgili týmasynyń uly úı-kúısiz qalǵany týraly resmı qýattaý áli túsken joq.
Rıhard Zorge Sabynshy kentinde (qazir bul kent Baký quramyna qosylyp ketken) nemis ınjeneriniń otbasynda týǵan. Ol dúnıege kelgennen keıin otbasy Germanııaǵa kóship ketti. Zorge nemis armııasynyń quramynda Birinshi dúnıejúzilik soǵystaǵy urystarǵa qatysty. Keıinnen ol solshyl ıdeıamen áýestenip, KSRO-ǵa keldi jáne keńes barlaý qyzmetiniń agenti boldy.
1930 jyldarda Zorge Japonııada nemis jýrnalısi, keıinnen nemis elshiliginiń qyzmetkeri bolyp jasady. 1941 jyldan bastap ol KSRO-ǵa Germanııanyń Keńes odaǵyna shabýyl jasaýy yqtımal ekeni týraly birneshe ret habar berdi.
1941 jyly Zorgeni japon polıtsııasy qolǵa túsirip, eki jyldan keıin óltirdi. Keńes ókimeti keıinirek oǵan qaıtys bolǵannan keıin Keńes Odaǵynyń Batyry ataǵyn berdi. Bakýde onyń qurmetinde saıabaq pen kóshelerdiń biri atalǵan.
