Rıgadan shyqqan ekskýrsııalyq avtobýs Pskov túbinde apatqa ushyrady: 9 adam kóz jumdy
ASTANA. 7 qyrkúıek. QazAqparat - Pskov oblysynyń Pýstoshınskıı aýdany Zabelskıı bolysyndaǵy Kýshkı aýylynyń mańynda eki avtobýs qaqtyǵysty. Onyń saldarynan 9 adam mert boldy, dep habarlady RBK.
Jol-kólik apaty shamamen 6-shy qyrkúıekten 7-ne qaraǵan túni 04:15-te «Máskeý-Rıga» jolynyń 519-shy shaqyrymynda oryn aldy. Munda «Máskeý-Rıga» baǵytynda jolǵa shyqqan reıstik avtobýs pen týrıster avtobýsy soǵylyp qalǵan.
Ekskýrsııalyq avtobýsta 45 adam bolǵan. Bastapqyda apat saldarynan 8 adam qaza boldy dep habarlansa, keıin olardyń sany toǵyzǵa jetti. Taǵy 13 jolaýshy jaraqattandy.
Aldyn ala boljam boıynsha, apattyń oryn alýyna joldyń qarsy baǵytyna shyǵyp ketken Hyundai ekskýrsııalyq avtobýsynyń júrgizýshisi kináli. Qazirgi ýaqytta apat ornynda eki órt sóndirý bólimi, qutqarýshylar, medıtsına qyzmetkerleriniń eki brıgadasy jumys istep jatyr. Apat faktisi boıynsha tekseris júrgizilip jatyr, qylmystyq is qozǵaý máselesi qarastyrylýda.
