Rıdlı Skottyń «Napoleon» fılmi efırge shyqpaı jatyp synǵa ushyrady

Áıgili brıtanııalyq rejısser Rıdlı Skottyń «Napoleon» fılmi ekranǵa shyqpaı jatyp synǵa ushyrady, dep habarlaıdy Kazinform BBC-ge silteme jasap.

Kınorejısserdiń jumysyna qarsylyq tarıhı derekterdiń qate berilgenine baılanysty týyndady.

Sondaı-aq Skott suhbattarynyń birinde Napoleondy Aleksandr Makedonskıı, Stalın jáne Gıtlermen salystyrǵan. 

Kóptegen frantsııalyq azamat Rıdlı Skotty frantsýz ımperatoryn ekrannan kórsetkeni úshin emes, olardyń ulttyq qaharmanyn beıneleýge bel baılaǵany úshin aıyptady. 

- Skottyń ózi Napaleondy tolyq tanymaıdy, - dep jazdy fılm týraly synı maqalanyń avtory Adam Sanches.

Ol sonymen qatar Skotty fılmdegi Týlondy jaýlaý kezinde (1973 j) frantsýz áskeriniń «Vive La France!» (Frantsııa jasasyn!) dep amerıkalyq aktsentpen aıqaılaǵany úshin jáne Tahar Rahımdi (Pol de Barrastyń rólin somdaǵan frantsýz-aljır akteri) Shekspır tilinde sóıletkeni úshin sókti. 

Frantsýz tarıhshysy, «Bonapart» monýmentaldy tarıhı shyǵarmasynyń avtory Patrıs Ganıffı de «aǵylshynsha sóıleıtin ımperator» men onyń birinshi áıeli Jozefınany synǵa aldy. Le Point jýrnalyna bergen suhbatynda ol bul fılmniń «antıfrantsııalyq ári Brıtanııa tarıhynan kóshirilgenin» aıtty.