Rıdderlik turǵyndar ózderi qazǵan jyraǵa kómilip qala jazdady
ÓSKEMEN. QazAqparat - Shyǵys Qazaqstannyń Rıdder qalasynda áıel adam men uly tereńdigi 2,5 metr jyraǵa kómilip qala jazdaǵan, dep habarlaıdy QazAqparat tilshisi.
Oqıǵa 1 maýsym kúni bolǵan. Jer úıge jylý qubyryn tósep jatqan áıel men ulyn tereńdigi 2,5 metrlik jyra basyp qalǵan. 26 jastaǵy jigit topyraq arasynan telefonyn shyǵaryp, týystaryna habarlasyp úlgergen. Topyraq tutqynyndaǵy eki turǵyndy da qutqarýshylar kelip arshyp aldy.
«№4 qutqarý bóliminiń qyzmetkerleri opyrylǵan topyraqty 2 saǵat boıy arshydy. Jigit jeńil jaralanǵan. Al anasyn topyraq janyshtap tastaǵan eken. Jedel járdem ony aýrýhanaǵa aparǵanymen, dárigerler úıine jiberdi»,- deıdi Rıdder qalasynyń tótenshe jaǵdaılar basqarmasynyń ókili Sergeı Borodın.
