Rıdderlik turǵyn uryp óltirgen bótelkelesin baqshaǵa kómip tastamaq bolǵan
ÓSKEMEN. QazAqparat - Rıdderde jýyrda jan túrshigerlik oqıǵa boldy. Tańǵy saǵat tórt shamasynda rıdderlik turǵyndar óz úıleriniń terezesinen belgisiz er adamnyń ersi áreketin baıqap qalǵan. Kúdiktene qalǵan turǵyndar jaǵdaıdy birden vıdeoǵa túsirip alypty, dep habarlaıdy «QazAqparat» HAA tilshisi YK-news.kz saıtyna silteme jasap.
Kadrda belgisiz bireý adamnyń denesin súırep bara jatqany anyq kórinedi. Oqıǵa ornyna jetken polıtsııa qyzmetkerleri er adamdy tutqyndap, ýaqytsha qamaý oqshaýlaǵyshyna toǵytqan.
«Anyqtalǵanyndaı, 29 jastaǵy kúdikti óz úıine 45 jastaǵy er adamdy qonaqqa shaqyrǵan. Olar birge araq iship, sózge kelispeı, aqyry kıkiljińderi tóbeleske ulasady. Osynyń saldarynan qonaq ajal qushqan. Al úıdiń ıesi múrdeden qutylmaq bolǵan sekildi», - dep habarlaıdy ShQO ІІD baspasóz qyzmeti.
Polıtsııa qazirgi tańda istiń mán-jaıyn anyqtap jatyr. QR QK-tiń «Kisi óltirý» baby boıynsha sotaldy tergeý amaldary júrgizile bastady.
Úreıli kadrlar qazir «kisi óltirýshi er adamdy óltirip, tańerteń baqshaǵa kómip tastamaq bolǵan» degen ataýmen áleýmettik jelide tarap ketti.
