Rıdderdegi jylý ortalyǵynda órt saldaryn joıý jumystary táýlik boıy júrip jatyr

ÓSKEMEN. QazAqparat – Shyǵys Qazaqstan oblysy Rıdder qalasyndaǵy jylý elektr ortalyǵynda órt saldaryn joıý jumystary táýlik boıy júrgizilip jatyr, dep habarlaıdy QazAqparat tilshisi.

ShQO ákimdiginiń málimetine súıensek, Rıdderdegi jylý elektr ortalyǵynda órt shyqqan otyn tsehyn qalpyna keltirý jumystary táýlik boıy úzdiksiz jalǵasyp jatyr. 22 adamnan turatyn brıgadalar bir-birin almastyryp, jumys kestesine sáıkes óz ýchaskelerinde eńbek etedi.

«Jumysqa óńirdegi JEO-lardyń, qurylys fırmalarynyń jáne «Qazmyrysh» kompanııasynyń úzdik qyzmetkerleri tartyldy. Qalpyna keltirý jumystary bir mınýtqa da toqtamady», - deıdi oblys ákimi Danıal Ahmetov.

Júıedegi temperatýrany kóterý úshin mazýtqa ishinara qatty otyn qosylǵan.

«Osyǵan deıin aıtqanymdaı, úsh kúnniń ishinde otyn tsehynyń jumysy qalpyna keltiriledi. Rıdder JEO-daǵy jumystardyń barysyn orynbasarym sol jerde tolyqtaı basqary júrp. Al, ortalyq ıeleriniń birde-bireýi ol jerge tipti kelgen joq», - deıdi aımaq basshysy.

Eske salsaq, 19 qańtarda Rıdderdegi jylý elektr ortalyǵynan órt shyqqan bolatyn.

Birneshe saǵattyń ishinde qyzyl jalyn aýyzdyqtaldy.

Vıdeodan alynǵan kadr/instagram.com/danial.akhmetov.official