Rıdderdegi jylý elektr ortalyǵynda órtengen tseh úsh kúnde qalpyna keltiriledi

ÓSKEMEN. QazAqparat – Rıdder qalasyndaǵy jylý elektr ortalyǵynda órtengen tseh úsh kúnde qalpyna keltiriledi, dep habarlaıdy QazAqparat tilshisi.

ShQO ákimdiginiń málimetine súıensek, Rıdderdegi jylý elektr ortalyǵynda bolǵan órtten eshkim zardap shekken joq.

Oqıǵa saldarynan jylý júıesindegi temperatýra taǵy tómendedi. Qazirgi ýaqytta osyǵan oraı jedel shtab qurylyp, tıisti jumystar atqarylýda.

«Órtengen tseh úsh kúnde tolyq qalpyna keltiriledi. Qazandyq qondyrǵylaryn kómirmen qamtamasyz etý máselesi olardy mazýtqa kóshirý arqyly sheshildi. JEO-nyń óz mazýt qory bar. Sonymen qatar Óskemennen Rıdderge 960 tonna mazýt jóneltildi. Bul bes kúnge jetedi», - delingen aqparatta.

Eske salsaq, búgin tańerteń Rıdderdegi jylý elektr ortalyǵynan órt shyqqan bolatyn.

Foto: tets.kz