Rıdderdegi jylý elektr ortalyǵynda aqaý shyǵyp, halyq jylýsyz qaldy

ÓSKEMEN. QazAqparat – Shyǵys Qazaqstan oblysyndaǵy Rıdder qalasynda jylý elektr ortalyǵynan aqaý shyqty, dep habarlaıdy QazAqparat tilshisi.

Keshe Rıdderdegi jylý elektr ortalyǵynda tótenshe jaǵdaı boldy. Qazandyqtar jumysyn toqtatyp, halyq jylýsyz qalǵan.

Osyǵan oraı qala ákimi resmı málimdeme jasady.

«Tehnıkalyq sebepterge baılanysty JEO jumysy toqtatyldy. Birden oqıǵa ornyna baryp, tıisti sharalardy qabyldap jatyrmyz. Jylý qaıtadan qosylady. Sondyqtan turǵyndarǵa túsinistik tanytyp, sabyr saqtaýǵa shaqyramyn», - deıdi ákim Dmıtrıı Gorkovoı.