Rıdderdegi jylý elektr ortalyǵy tutynýshylarǵa 63 mln teńge qaıtarady
ShQO prokýratýrasy bıylǵy jylytý maýsymynda qaıta-qaıta aqaý shyqqan «Rıdder JEO» AQ-ǵa qatysty tekserý júrgizýde. Qazirgi ýaqytta sol tekserýdiń alǵashqy nátıjeleri belgili bolyp otyr.
Atap aıtqanda, halyqty jylýmen tolyq qamtamasyz etpeý jáne jylý berý sapasynyń nasharlaýy faktileri anyqtalyp, oblystyq tabıǵı monopolııalardy retteý departamentine qaıta esepteýdi qamtamasyz etý boıynsha qadaǵalaý aktisi jiberildi. Departament basshysy buıryǵyna sáıkes, Rıdderdegi jylý elektr ortalyǵy 21,7 myń tutynýshynyń 63 mıllıon teńge somasynda shyǵynyn qaıta esepteý arqyly óteýi tıis.
«Qaıta esepteý úshin 23 qazan men 30 qarasha aralyǵy alyndy. Sebebi jeltoqsan aıynan beri turǵyndar jylý aqysyn tólemeýde. Tutynýshylardyń jylý aqysy qaıta esepteldi. Jeke tulǵalar úshin tómendetilgen tarıfti aqpan aıyndaǵy túbirtekterden kórýge bolady. Al zańdy tulǵalarǵa 15 aqpanǵa deıin esepteýler júrgiziledi», - dep habarlady «Rıdder JEO» AQ-dan.