Rıdderdegi JEO-da órt saldary joıylǵanymen, úıler jylymaı tur
ShQO ákimdigi 25 qańtar kúni Rıdder qalasyndaǵy jylý elektr ortalyǵynda órt saldaryn joıý jumystary aıaqtalǵanyn habarlaǵan. Keshki ýaqytta tasymaldaýysh taspa tolyǵymen ornatylyp, áýeli synaq rejıminde iske qosyldy.
Bir saǵat ótkende eshqandaı aqaý baıqalmaǵan soń oǵan kómir salyndy. Qazirgi ýaqytta sol arqyly tórt qazandyq ta kómirmen qamtamasyz etilýde.
Alaıda qala turǵyndary áli de úıleriniń sýyqtyǵyn aıtýda. Buǵan qatysty shahar basshysy Dmıtrıı Gorkovoı túsinik berdi.
«Júıeni tolyǵymen jylytý úshin keminde eki kún qajet. Búgin taǵy bir ortasha qysymdy rezervtik qazandyq iske qosylady», - dedi ol.
Eske salsaq, 19 qańtarda Rıdderdegi jylý elektr ortalyǵynan órt shyqqan bolatyn.
Birneshe saǵattyń ishinde qyzyl jalyn aýyzdyqtaldy.
Keıinnen jylý elektr ortalyǵynyń basshylyǵyna qatysty tergeý júrgizilip jatqany habarlandy.