Rıdderdegi tótenshe jaǵdaı: Jylý elektr ortalyǵynyń basshylyǵyna qatysty tergeý júrgizilýde
ÓSKEMEN. QazAqparat – ÓSKEMEN. QazAqparat – Rıdder qalasyndaǵy jylý elektr ortalyǵynda jabdyqtardyń 74,5 paıyzy tozǵan, dep habarlaıdy QazAqparat tilshisi.
Shyǵys Qazaqstan oblysy ákimdiginiń málimetinshe, Rıdderdegi jylý elektr ortalyǵynyń basshylyǵyna qatysty turǵyndar tarapynan aryz-shaǵym kóp túsýde. Soǵan oraı aımaq basshysy Danıal Ahmetov JEO-ny kommýnaldyq menshikke berý týraly bastamany birneshe ret kóterdi.
- Ótken jyldyń qarasha aıynan beri ortalyqta apatty jaǵdaılar birinen soń biri bolyp jatyr. Bager sorǵysyn eki ret sý basty, elektrmen jabdyqtaýda aqaýlar shyqty. JEO-da birinshi apatqa deıin memleket talap etetin 75 jumysshynyń ornyna 29 adam ǵana jumys istegen. Qazir onda 150-ge jýyq adam táýlik boıy eńbek etýde, - dedi oblys ákimi.
Resmı derekke súıensek, jylý elektr ortalyǵyndaǵy jabdyqtardyń 74,5 paıyzy tozǵan. Eki qazandyqty jóndeý aldaǵy ýaqytta josparlanyp otyr, apatty jaǵdaıda dep tanylǵan olar rezervte bolady.
Qazirgi ýaqytta quqyq qorǵaý organdary JEO basshylyǵyna qatysty tergeý júrgizýde. Ortalyqtyń bolashaǵy sonyń nátıjesinen keıin belgili bolmaq.
Eske salsaq, búgin tańerteń Rıdderdegi jylý elektr ortalyǵynan órt shyqqan bolatyn.
Foto: tets.kz
