Rıdderdegi tótenshe jaǵdaı: Joǵary qysymdy qazandyqtardyń biri 5 jeltoqsanǵa deıin iske qosylady

ÓSKEMEN. QazAqparat – Shyǵys Qazaqstan oblysy Rıdder qalasyndaǵy jylý elektr ortalyǵyn qalypqa keltirý jumystary jalǵasýda, dep habarlaıdy QazAqparat tilshisi.

ShQO ákimdiginiń málimetine súıensek, qazirgi ýaqytta Rıdderdegi jylý elektr ortalyǵynda №4 joǵary qysymdy qazandyqty jóndeý jáne qalpyna keltirý jumystary aıaqtalǵan. Endi ol iske qosylýǵa tolyqtaı daıyn. Júıedegi temperatýra 60 gradýstan joǵary kóterildi.

«Besinshi qazandyqty jóndeý jumystary júrgizilýde. 5 jeltoqsanǵa deıin ol júıege qosylady. Osylaısha, barlyq úsh joǵary qysymdy qazandyq qondyrǵysy qalypqa keltirildi», - delingen aqparatta.

Eske salsaq, 5 qarasha kúni saǵat 20.00-de Rıdderdegi JEO-da kúl shyǵarý júıesindegi sorǵy isten shyǵyp, №1 qazandyq agregatynyń qosalqy jabdyǵy apatty jaǵdaıda ajyratylǵan bolatyn. Sonyń saldarynan 22 myńnan astam abonent úshin jylý berý azaıtyldy.

Tótenshe jaǵdaıǵa baılanysty qaladaǵy mektep oqýshylary 11 qarashaǵa deıin qashyqtan oqydy.

10 qarasha kúni Rıdderdegi jylý elektr ortalyǵynda taǵy da apat boldy.

14 qarashada jylý elektr ortalyǵyn qalpyna keltirý jumystary kestege saı júrip jatqany habarlandy.

Sondaı-aq jylý ortalyǵyndaǵy qazandyqtardy jóndeýge reseılik mamandar tartylǵan bolatyn.