Rıdderdegi ózen túsiniń ózgerýine baılanysty taý-ken baıytý kesheninde tekserý júrgizilýde
ÓSKEMEN. QazAqparat – Shyǵys Qazaqstan oblysy Rıdder qalasyndaǵy Fılıppovka ózeni túsiniń ózgerýine baılanysty taý-ken baıytý kesheninde tekserý júrgizilýde, dep habarlaıdy QazAqparat tilshisi.
Búgin áleýmettik jelide Rıdderdegi Fılıppovka ózeni túsiniń surlanyp ketkendigi jaıly vıdeo tarady.
Belgili bolǵandaı, ózenge Belgili bolǵandaı, ózenge sol mańdaǵy taý-ken baıytý kesheniniń qaldyǵy quıylǵan. Bul keshen «Kaztsınk» JShS-ge qarasty.
«Taý-ken baıytý kesheniniń qaldyq qoımasynda tehnologııalyq protsester ózen sýynyń odan ári lastanýyna jol bermeý úshin jedel túrde toqtatyldy. Oqıǵanyń saldaryn anyqtaý jumystary júrgiziledi», - dep habarlady kompanııadan.
Sol jerge ShQO ekologııa departamentiniń mamandary da kelip jetti. Ekologtar saraptama jasaý úshin sýdan synama aldy.
