Rıdderdegi qoryqta órt shyqty

ÓSKEMEN. QazAqparat – Shyǵys Qazaqstan oblysy Rıdder qalasyndaǵy qoryqta órt shyqty, dep habarlaıdy QazAqparat tilshisi.

Búgin áleýmettik jelide Rıdderdegi Batys Altaı qoryǵynda órt shyqqany jaıly aqparat tarady. Osyǵan baılanysty QazAqparat tilshisi ShQO Tótenshe jaǵdaılar departamentine habarlasty.

Departament ókilderi órt shyqqanyn rastady. Belgili bolǵandaı, qyzyl jalyn búgin tústen keıin shyqty. Aldyn ala boljam boıynsha, ot tutanýyna naızaǵaı sebep bolǵan.

Órt Chernýshka ózeni men Prıamoı bulaǵy qosylatyn ormandy alqapta shyǵyp, sol jerdegi aǵashtar janǵan.

Qazir tilsiz jaýmen kúres jalǵasyp jatyr. Órttiń jalpy aýdany – 0,3 gektar.

Eske salsaq, osyǵan deıin Shyǵys Qazaqstan oblysynyń dárigerleri ormanda alapat órt shyǵyp, aınalany tútin basqanda ne isteý kerektigin túsindirgen bolatyn.