Rıdderdegi bozbalanyń ólimi: Əkim orynbasary ustaldy
ÓSKEMEN. QazAqparat - Rıdder qalasy ákiminiń orynbasary Baýyrjan Qurmanbaev 19 jastaǵy jas jigitti qaǵyp óltirdi degen kúdikpen ýaqytsha oqshaýlaǵyshqa qamaldy, dep habarlaıdy QazAqparat HAA tilshisi ShQO ІІD baspasóz qyzmetine silteme jasap.
Belgili bolyp otyrǵanyndaı, «BMW H5» avtokóligi Aıdarhanov kóshesimen kele jatyp, jol jıeginde oń jaqta baǵdarlas kele jatqan jaıaý júrginshini qaǵyp ketken. Jol-kólik oqıǵasy saldarynan 1999 jylǵy er bala jedel járdem qyzmeti kelgenshe jan tapsyrǵan.
Tekserý barysynda «BMW H5» avtokóliginiń 45 jastaǵy júrgizýshisiniń mas bolǵany jáne onyń Rıdder qalasy ákiminiń orynbasary ekeni anyqtalǵan.
Jol-kólik oqıǵasy jeksenbi kúni saǵat toǵyzǵa taıaý tirkelgen.
Rıdder qalalyq ishki ister bólimi QR QK 345-baby, 3-bóligi boıynsha (kólik quraldaryn basqarǵan adamnyń kólik quralyn paıdalaný nemese jol erejesin buzýy) sotqa deıingi tergeý amaldaryn bastady.
Oblys ákiminiń tapsyrmasymen jol-kólik oqıǵasynyń tergeý jumystary erekshe baqylaýǵa alyndy.
