Rıdderdegi apat: Óskemen ákimi ózgeniń kóligin aıdaǵany úshin jazalandy
ÓSKEMEN. QazAqparat - Rıdderde 19 jastaǵy jigittiń ólimine ákep soqtyrǵan kólik apatynyń kýágeri, Óskemen qalasynyń ákimi Qýat Tumabaevqa aıyppul salyndy, dep habarlaıdy QazAqparat.
Mas kúıinde kólik aıdap, adam qaqqan Rıdder qalasy ákiminiń burynǵy orynbasary Baýyrjan Qurmanbaevtyń qasynda bolǵan Qýat Tumabaevtyń apattan sońǵy áreketi sot nazarynan tys qalmady. Bul týraly Shyǵys Qazaqstan oblystyq sotynyń azamattyq ister jónindegi tóralqa tóraǵasy Damır Ábdýǵalıev arnaıys baspasóz máslıhatynda aıtty.
«Qýat Tumabaevqa «mindette saqtandyrý kelisimshartyn bekitýden bultarý» baby boıynsha ákimshilik hattama toltyryldy. Ákimshilik sot materıaldary onyń bótenniń menshigindegi kólikti saqtandyrý polıýsinsiz aıdaǵanyn tirkegen. Osy áreketi úshin oǵan 20 AEK kóleminde aıyppul salyndy. Ákim atalmysh hattamaǵa qatysty Óskemen qalasynyń sotyna shaǵym túsirdi. Ol shaǵym qaralý ústinde»,- dedi Damır Ábdýǵalıev.
Osydan 3 aı buryn Rıdder qalasy ákiminiń orynbasary bolǵan Baýyrjan Qurmanbaev mas kúıinde kólik tizginine otyryp, 19 jastaǵy jigitti qaǵyp óltirgen bolatyn.
