Rıdderdegi apat kelesi qysta da qaıtalanýy múmkin – Danıal Ahmetov
«Rıdder» qalasyndaǵy jylý-elektr ortalyǵyndaǵy apatqa baılanysty jergilikti aýqymdaǵy, tehnogendik sıpattaǵy tótenshe jaǵdaı rejımi saqtalyp otyr. Jergilikti atqarýshy organdardyń basshylyǵymen jedel shtab qysqa merzimde stansanyń negizgi jáne qosalqy jabdyǵyn jóndeý baǵytynda shara qabyldady. Kómir jáne mazýt jetkizý jumystary turaqty negizde uıymdastyryldy. Qazirgi tańda stansada 3,2 myń tonna kómir bar. 3,7 myń tonna kómir jolda kele jatyr. Alaıda jylý-elektr ortalyǵyn durys paıdalanbaý jáne stansa basshylyǵynyń jumysyna salǵyrt qaraýy saldarynan tek tótenshe jaǵdaı kezinde ǵana qazandyq agrettary 74 ret toqtap, onyń ishinde órt qaýipsizdigin saqtamaý saldarynan da apattar tirkeldi», - dedi ol Úkimet otyrysynda.
Ákimniń málimeti boıynsha, jaǵdaı ózgermese, kelesi qysta da bıylǵy apat qaıtalanýy múmkin.
«Kásiporynnyń kredıtorlyq bereshegi 3 mlrd teńgeden asady. Stansa ıeleriniń qalyptasqan jaǵdaıdy retteý jáne qaryzdy jabý týraly naqty jospary joq. Qazirgi tańda ákimdik Rıdder jylý-elektr ortalyǵynyń kredıtorlarymen birge 2,7 mlrd teńge sot sharalaryn bastady. Kásiporynnyń qarjylyq dármensizdigi, kredıtorlyq bereshektiń bolýy kelesi jylytý maýsymyna da qaýip tóndiredi. Qalany jylýmen qamtamasyz etýde kúrdeli jaǵdaı týyndap, taǵy da tehnogendik apatqa ákelýi múmkin. Osyǵan oraı, qurmetti Álıhan Ashanuly Rıdder jylý-elektr ortalyǵyn monopolııasyzdandyrý máselesin qaraýyńyzdy suraımyn», - dedi Darıal Ahmetov.