Rıdderdegi jarylystan jaraqat alǵan 6 adamnyń jaǵdaıy qalaı

ÓSKEMEN. KAZINFORM – Shyǵys Qazaqstan oblysyndaǵy Rıdder jylý elektr ortalyǵyndaǵy jarylystan zardap shekken 6 adam aýrýhanada emdelip jatyr.

ShQO densaýlyq saqtaý basqarmasynyń baspasóz qyzmetiniń málimetine súıensek, barlyq 6 adam da travmatologııa bólimine jatqyzylǵan. Olardyń úsheýi Óskemenge jetkizilse, qalǵany Rıdderde dárigerlerdiń baqylaýynda. 

- Rıdder aýrýhanasynda jatqan naýqastar 23 jeltoqsanda jansaqtaý bóliminen jalpy palataǵa, ıaǵnı travmatologııa bólimine aýystyryldy. Óskemenge jetkizilgen zardap shekkender de travmatologııa bólimine jatqyzyldy. Olarǵa medıtsınalyq kómek tolyq kólemde kórsetilýde. Jaǵdaılary ortasha aýyr. Biraq burynǵyǵa qaraǵanda jaqsaryp keledi, - delingen aqparatta. 

Eske salsaq, osyǵan deıin Rıdder jylý ortalyǵynda gaz-aýa qospasy jarylyp, 6 adam zardap shekkeni habarlanǵan. 

Zardap shekken 3 adam sol kúni Óskemenge jetkizildi.