Rıdderde jylytý maýsymy aıaqtaldy

ÓSKEMEN. QazAqparat – Shyǵys Qazaqstan oblysy Rıdder qalasynda jylytý maýsymy aıaqtaldy, dep habarlaıdy QazAqparat tilshisi.

Bıylǵy jylytý maýsymynda qaıta-qaıta apat bolǵan Rıdderdegi jylý elektr ortalyǵy jylý maýsymyn aıaqtady. Bul týraly qala ákimdigi málim etti.

«Kúnniń jylytyp, aýa raıynyń qolaıly bolýyna baılanysty jylytý maýsymy aıaqtaldy. Jylý energııasyn tutynýshylardyń barlyǵy búgin jylý júıesinen óshiriledi», - delingen aqparatta.

Negizinen jylytý maýsymy sáýir aıynyń 29-i kúni aıaqtalý kerek bolatyn. Alaıda aýa temperatýrasynyń tómendep ketýine baılanysty sozylǵan.

Eske salsaq, sáýirde Rıdderdegi jylý ortalyǵynda eki kúnde 3 aqaý shyqqanyn habarlaǵan edik.