Rıdderde jylý ortalyǵyna jóndeý júrgizilip, turǵyndar jaz boıy ystyq sýsyz otyrýy múmkin

ÓSKEMEN. QazAqparat – Shyǵys Qazaqstan oblysy Rıdder qalasynda jylý elektr ortalyǵyndaǵy jóndeý jumystaryna baılanysty turǵyndar jaz boıy ystyq sýsyz otyrady, dep habarlaıdy QazAqparat tilshisi.

«Rıdder JEO» AQ málimetine súıensek, 10 mamyrdan bastap qala boıynsha ystyq sý óshirilgen. Buǵan jylý elektr ortalyǵyna jóndeý jumystarynyń júrgiziletindigi sebep.

«Jospar boıynsha ortalyqtaǵy qazandyqtar óshirildi. Jóndeýge daıyndyq jumystary bastalyp ketti. Qazirgi ýaqytta jobalaýshy uıymdar JEO-ǵa kelip, jóndeý jumystaryna qajetti jobalardy ázirleý ústinde», - delingen aqparatta.

Osylaısha, qala turǵyndary jaz boıy ystyq sýsyz otyrady.

Eske salsaq, osyǵan deıin Rıdderde jylytý maýsymy aıaqtalǵanyn habarlaǵan edik.