Rıdderde júk kóligi jyraǵa qulap, 2 adam kóz jumdy
Shyǵys Qazaqstan oblysy Rıdder qalasynda júk kóligi jyraǵa qulap, 2 adam kóz jumdy, dep habarlaıdy Kazinform.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy Rıdder qalasynyń mańyndaǵy tasjolda bolǵan.
«Júk kóliginiń júrgizýshisi rýlge ıe bola almaı qaldy. Sonyń saldarynan kólik jyraǵa qulap, aýdarylyp túsken. Jol apatynan eki jolaýshy sol jerde til tartpaı ketti», - delingen aqparatta.
Qazirgi ýaqytta atalǵan fakti boıynsha QR Qylmystyq kodeksiniń 345-baby 4-bóligine (Kólik quraldaryn basqaratyn adamdardyń abaısyzda eki nemese odan da kóp adam ólimine ákep soqqan jol qozǵalysy erejelerin buzýy) sáıkes sotqa deıingi tergeý amaldary bastaldy.
Birqatar sot-medıtsınalyq saraptama taǵaıyndalǵan. Sonyń qorytyndysy boıynsha protsessýaldyq sheshim qabyldanady.
