Rıdderde jol jıeginde turǵan 10 jasar balany kólik qaǵyp ketti
RIDDER. QazAqparat – Shyǵys Qazaqstan oblysy Rıdder qalasynda 10 jasar balany kólik qaǵyp ketti, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 7 qarasha kúni saǵat 13:30 shamasynda Úshinshi shaǵyn aýdanyndaǵy Aıdarhanov kóshesinde bolǵan.
«Mitsubishi» markaly avtokólik júrgizýshisi rýlge ıe bola almaı qalyp, jol jıeginde turǵan 10 jasar balany qaǵyp ketti. Jaraqat alǵan bala shuǵyl túrde Rıdder qalalyq aýrýhanasyna jetkizildi», - dep habarlady vedomstvo ókilderi.
Qazirgi ýaqytta júrgizýshige qatysty QR Qylmystyq Kodeksiniń 345-baby 2-bóligine (abaısyzda adam densaýlyǵyna aýyr zııan keltirgen jol qozǵalysy erejelerin buzý) sáıkes sotqa deıingi tergeý amaldary bastaldy.
