Rıdderde joǵalyp ketken 5 jasar bala tabyldy
ÓSKEMEN. QazAqparat – Shyǵys Qazaqstan oblysy Rıdder qalasynda joǵalyp ketken 5 jasar bala tabyldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, búgin saǵat 14:00 shamasynda polıtsııaǵa qońyraý shalǵan áıel adam ulynyń joǵalyp ketkendigin aıtqan.
Belgili bolǵandaı, Matveı esimdi 5 jasar bala úıden aýlaǵa shyǵyp, sol kúıi qaıtyp oralmady. Ata-anasy óz betterimen qansha izdegenderimen ony taba almaǵan.
«Polıtsııa qyzmetkerleri birden jedel-izdestirý sharalaryna kiristi. Balany tabý úshin volonterler de jumyldyrylǵan. Kóp uzamaı Matvaı aýlalardyń birinen aman-esen tabyldy. Qazirgi ýaqytta bala ata-anasyna jetkizildi», - dep habarlady vedomstvo ókilderi.
