Rıdderde joǵalǵan er adamnyń denesi ózen jaǵasynan tabyldy
RIDDER. QazAqparat – Rıdder qalasynda osydan 10 kún buryn joǵalyp ketken er adamnyń denesi tabyldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 35 jastaǵy Artem Efremov 19 qazan kúni iz-túzsiz joǵalyp ketken. Úıden dosymen kezdesýge ketken er adam sol kúıi qaıtyp oralmady.
Polıtsııa qyzmetkerleri men eriktiler jedel-izdestirý sharalaryn júrgizgenimen odan esh nátıje shyqpaǵan. Arada 10 kún ótkennen keıin rıdderliktiń máıiti Fılıppovka ózeniniń jaǵasynan tabylǵan.
«Sol mańda elektr jelisin jabdyqtaý jumystaryn atqaryp júrgen jumysshylar er adamnyń denesin tapty. Aldyn ala boljam boıynsha, Artem Efremov ózennen ótpek bolǵan kezde sýyqtan kóz jumdy. Onyń denesinen zorlyq-zombylyq belgileri anyqtalǵan joq. Ólimniń naqty sebebi medıtsınalyq saraptamadan keıin belgili bolady», - delingen aqparatta.
