Rıdderde jylý berile bastady

ÓSKEMEN. KAZINFORM – Shyǵys Qazaqstan oblysy Rıdder qalasynda kesheden beri jylý berile bastady.

Kenshiler qalasynda jylytý maýsymy bastalyp ketti. Jyldaǵy dástúrge saı áýeli áleýmettik nysandarǵa, odan keıin turǵyn úıler men basqa da mekemelerge jylý beriledi.

- Aýa raıynyń sýytyp ketýine baılanysty 24 qyrkúıekte Rıdder qalasyndaǵy áleýmettik-mádenı nysandarǵa jylý berile bastady. Al 30 qyrkúıekten Rıdder kópqabatty turǵyn úılerdi jylýǵa qosý josparlanyp otyr, - dep habarlady «Shyǵys jylý» AQ Rıdder fılıalynan.

Eske salsaq, buǵan deıin Rıdderdegi jylý ortalyǵynyń jylytý maýsymyna daıyndyǵy qalaı ekendigi jaıly jazǵanbyz. 

Sondaı-aq Almaty oblysynyń qaı aýdandaryna birinshi jylý beriletindigi habarlanǵan.