Rıdderde zeınetker áıeldiń úıinen oq-dáriler qoımasy tabyldy
ShQO polıtsııa departamenti baspasóz qyzmetiniń málimetine súıensek, tártip saqshylary «Qarý» jedel-aldyn alý sharasy barysynda oq-dári qoımasyn anyqtady.
«62 jastaǵy zeınetker úıiniń kireberisindegi zat qoıatyn bólmede iri kólemde oq-dári saqtaǵan. Tintý barysynda 5,6 mm kalıbrli 703 patron, tegis uńǵyly myltyqtyń 20 mm-lik 37 patrony, untaqtalǵan oq-dári salynǵan 7 qorap, 3 qap bytyra jáne qarý dúmbisi tabyldy. Qart kisi barlyq arsenaldyń qaıtys bolǵan jubaıynan qalǵanyn aıtqan. Alaıda kúdikti de, onyń marqum kúıeýi de qarý ıeleri retinde bazada joq bolyp shyqty», - delingen aqparatta.
Qazirgi ýaqytta qala turǵyny qolhatpen bosatyldy. Atalǵan fakti boıynsha QR Qylmystyq kodeksiniń 287-baby 3-bóligimen (Jarylǵysh zattar men jarylǵysh qurylǵylardyń oq-dárilerin zańsyz satyp alý, berý, ótkizý, saqtaý, tasymaldaý nemese alyp júrý) sotqa deıingi tergeý amaldary bastaldy. Kúdikti bes jylǵa deıin bas bostandyǵynan aıyrylýy múmkin.
Foto: polisia.kz