Rıdderde úıge túsken urylar 1,2 mln teńgeniń múlkin jymqyryp ketti

ÓSKEMEN. QazAqparat – Shyǵys Qazaqstan oblysy Rıdder qalasynda úıge túsken urylar 1,2 mln teńgeniń múlkin jymqyryp ketti, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, 29 jastaǵy er adam qyrkúıek pen qazan aıynyń sońyna deıingi aralyqta bir páterge birneshe ret urlyqqa túsken. Aqsha, turmystyq tehnıka men altyn buıymdardy urlaǵan ol jábirlenýshige jalpy somasy 1 200 000 teńgeden astam materıaldyq shyǵyn keltirdi.

- Júrgizilgen tergeý amaldary barysynda 42 jastaǵy úı ıesi polıtsııa qyzmetkerlerinen onyń páterinen zattar men altyn buıymdar urlanǵanyn bilip, ań-tań bolǵan. Ol tipti eki aı boıy páterinen zattardyń joǵalǵanyn baıqamapty. Tártip saqshylary kúdiktini jábirlenýshi aryz jazbaı turyp ustady, - dedi oblystyq PD bastyǵy Saǵat Mádıev.

Atalǵan fakti boıynsha QR QK-niń 188-baby 3-bóligine (urlyq) sáıkes sotqa deıingi tergeý amaldary jalǵasýda.