Rıdderde úsh jetim balany turǵyn úı kezeginen shyǵaryp jibergen
ASTANA. KAZINFROM — ShQO-da prokýratýra aralasqannan keıin úsh jetim bala turǵyn úı kezegine qaıta qoıyldy.
Rıdder qalasynyń prokýratýrasy halyqtyń áleýmettik osal toptarynyń turǵyn úımen qamtamasyz etilý quqyqtarynyń saqtalýyna júrgizgen taldaý turǵyn úı alý kezeginde turǵan úsh jetim balanyń esepten zańsyz shyǵarǵanyn anyqtady.
Olardy kezekten shyǵarýǵa Rıdder qalasynda ýaqytsha turmaýy, sondaı-aq bastapqy esepke qoıýdy rastaıtyn qujattardyń joǵalýy negiz bolǵan.
Prokýrorlyq qadaǵalaý aktisi boıynsha atalǵan tulǵalardyń quqyqtary qorǵaldy.
Úsh kámeletke tolmaǵannyń barlyǵy bastapqy kezekke qoıylǵan kúni saqtala otyryp, turǵyn úı kezegine qaıta qoıyldy.
Aıta ketelik 16 jyl kútken ádildik: sot pavlodarlyq jetim qyzdyń baspana quqyǵyn qorǵap qalǵan edi.
