Rıdderde úsh kólik soqtyǵysyp, 48 jastaǵy áıel zardap shekti
RIDDER. QazAqparat – Shyǵys Qazaqstan oblysy Rıdder qalasynda úsh kólik soqtyǵysyp, 48 jastaǵy áıel zardap shekti, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 8 qazanda boldy. Subaru avtokóliginiń 22 jastaǵy júrgizýshisi meteorologııalyq jaǵdaıdy eskermeı, jyldamdyqty ruqsat etilgen shekten asyryp jibergen. Sonyń saldarynan taıǵanap ketken kólik qarsy baǵytqa shyǵyp, týra sol markaly kólikke jáne VAZ-ǵa soqtyǵysty.
«Osylaısha, 3 kólik jol apatyna túsken. «VAZ» avtokóliginiń 48 jastaǵy jolaýshysy dene jaraqatyn aldy. Qazirgi ýaqytta ol Rıdder qalalyq aýrýhanasyna jetkizilgen», - dep habarlady vedomstvo ókilderi.
Atalǵan fakti boıynsha sot-medıtsınalyq saraptama taǵaıyndaldy. Sonyń barysynda jábirlenýshiniń densaýlyǵyna qandaı zııan keltirilgeni anyqtalmaq.
