Rıdderde tótenshe jaǵdaı temperatýralyq rejım tolyq qalpyna keltirilgen soń ǵana alynady

ASTANA.QazAqparat – Búgingi tańda Rıdder turǵyndarynyń úılerindegi temperatýra 18-den 24 gradýsqa deıin kóterildi. Qazirgi tańda jylý elektr ortalyǵynyń 1,2,3 jáne 6-shy jylý qazandyqtary jumys istep tur. Jylý temperatýrasy 70 gradýsqa deıin kóterildi. Alaıda jylý berý tolyq qalpyna keltirilmeıinshe, tótenshe jaǵdaı rejımi alynbaıdy, dep habarlaıdy QazAqparat ShQO-nyń Aqparat ortalyǵyna silteme jasap.

Rıdder ákimi Dmıtrıı Gorkııdiń sózinshe, tórtinshi jáne besinshi qazandyqtardy qalpyna keltirý jumystarynyń tizimi jasaldy. Jóndeýge qajetti qurlǵylardyń barlyǵy jetkizildi. Bir aptadan soń tórtinshi qazandyq iske qosylady, al besinshisin qosýǵa azdaǵan ýaqyt kerek.

Rıder turǵyndarynyń kópshligin tolǵandyryp otyrǵan tólemderdi qaıta esepteý máselesine keletin bolsaq, Tabıǵı monopolııalardy retteý komıteti bul talaptyń zańda ekendigin aıtyp otyr. Onyń ústine keıbir turǵyndar kommýnaldyq tólemderdi aldyn ala tóleıdi.

«Qazirgi tańda jylý energııasynyń qansha kólemi jetkizilmegendigi eseptelip jatyr. Onyń nátıjeleri jylýmen qamtamasyz etetin kompanııaǵa jiberiledi. Eger JEO basshylary qaıta esepteýden bas tartatyn bolsa biz tutynýshylardyń quqyqtaryn qorǵaý departamentine shaǵym túsiremiz. Qalyptasqan jaǵdaıǵa kinálilerdi jazalý boıynsha, tergeý jumystarymen quzyrly jáne qadaǵalaýshy organdar aınalysyp jatyr. Osy ýaqytqa deıin JEO-da Energetıka mınıstrliginiń Atom jáne energetıkalyq qadaǵalaý men baqylaý komıtetiniń tóraǵasy Suńǵat Esimhanov boldy»,-dedi»,-dedi Dmıtrıı Gorkovoı.

Osyǵan deıin Rıdderdegi jylý elektr ortalyǵynan aqaý shyǵyp, halyq jylýsyz qalǵanyn jazǵan bolatynbyz.