Rıdderde taý jynysy basyp qalǵan shahtada jumysshy qalyp qoıdy
NUR-SULTAN. QazAqparat – Rıdderde taý jynysy opyrylyp, shahtadaǵy ýchaskelerdiń birin basyp qaldy, dep habarlaıdy QazAqparat tilshisi.
«5 qańtarda «Kaztsınk» JShS-ǵa qarasty Rıdder taý-ken baıytý kesheniniń Rıdder-Sokolnyı kenishindegi ýchaskelerdiń birin taý jynysy basyp qaldy. Bolǵan oqıǵa jaıly aqparat túskennen keıin reglamentke sáıkes, jer astynda jumys júrgizip jatqan qyzmetkerlerdiń bári syrtqa shyǵaryldy. Oqıǵa kezinde burǵylaýshymen baılanys úzilip qaldy», - dep habarlandy «Kaztsınk» JShS-niń Facebook paraqshasynda.
Birden qutqarý shtaby qurylyp, jumysqa kompanııa mamandarynan bólek, qutqarýshy otrıad pen quziretti memlekettik organnyń ókilderi tartylǵan. 6 qańtardyń túninde qyzmetkermen baılanystyń retke keltirilgeni habarlandy.
«Jumysshyǵa jetý úshin qazir arnaıy operatsııaǵa qatysýshylar barynsha kúsh salyp jatyr. Jumysqa úzdik quzyrly mamandar men tehnıkalar tartylǵan. Oqıǵa ornynda medıtsınalyq brıgadanyń kezekshiligi jolǵa qoıyldy», - delingen habarlamada.
foto: arnapress.kz/kostanay