Rıdderde sirińkemen oınap júrgen bala úıin órtep jiberdi
ASTANA. QazAqparat - Rıdderde kishkentaı bala oınap júrip úıin órtep aldy, dep habarlaıdy «QazAqparat» HAA tilshisi ShQO TJD «ÓQjAQJ» MM-ine silteme jasap.
Órt Polıarnaıa kóshesindegi jer úıde bolǵan. Úıdegi úlkender óz isterimen aınalysyp jatqanda, sirińkemen oınap otyrǵan bala dıvandy órtep jibergen. Órtti birinshi bolyp úı ıesi baıqap, nemeresi men egde jastaǵy anasyn dalaǵa shyǵarǵan. Osydan keıin ol órt sóndirýshilerdi shaqyryp, óz kúshimen otty sóndirýge kirisedi. Úı ıesi órt sóndirýshiler kelgenshe, tilsiz jaýdy aýyzdyqtap úlgeredi. Alaıda, moıny men betin azdap ot sharpyǵan. Dereý jetken medıtsına qyzmetkerleri alǵashqy kómek kórsetti. Órt aýdany bes sharshy metrdi qurady.
Balalardyń tentektiginen bolatyn órt oqıǵalary jıi kezdesedi - aımaqta bir jylda 29 órt bolǵan.
Qaıǵyly oqıǵanyń aldyn alý maqsatynda órt sóndirý qyzmeti sirińke, ottyq jáne taǵy basqa qaýipti zattardy balalarǵa qoljetimdi jerge qoımaýǵa, olardy qaraýsyz qaldyrmaýǵa keńes beredi.
