Rıdderde polıtsııaǵa birneshe ret qońyraý shalyp balaǵattaǵan er adam sottaldy

ÓSKEMEN. KAZINFORM – Rıdder qalalyq sotynda bılik ókilin qorlaý deregi boıynsha qylmystyq is qaraldy.

Sot málimetine súıensek, qala turǵyny túngi ýaqytta «102» arnasyna birneshe ret qońyraý shalyp, jedel kezekshi qyzmetkerdiń kómekshisine boqtyq sózder aıtqan. Onyń qylmystyq jaýapkershilikke tartylatyndyǵy týraly eskertýge de qulaq aspaǵan. 

Sot barysynda er adam istegen isine ókinetinin bildirip, jábirlenýshiden keshirim surady.

- Aıyptalýshynyń buryn qylmystyq jaýapkershilikke tartylmaǵandyǵy isti jeńildetetin mán-jaı retinde esepteldi. Sot oǵan 80 saǵattyq qoǵamdyq jumys túrindegi jaza taǵaıyndady, - dep habarlady sottyń baspasóz qyzmetinen.

Eske salsaq, osyǵan deıin Shyǵys Qazaqstan oblysy Tarbaǵataı aýdanynda dárigerge jala japqan zeınetkerge qatysty sot isi qaralǵany habarlanǵan.