Rıdderde polıtseıdi urǵan er adam 2 jylǵa sottaldy

Shyǵys Qazaqstan oblysy Rıdder qalasynda polıtseıdi urǵan er adamǵa qatysty sot úkimi shyqty, dep habarlaıdy QazAqparat tilshisi. 

Oqıǵa osy jyldyń qyrkúıek aıynda Rıdder qalasynda bolǵan. Er adam qyzmettik mindetin atqaryp júrgen polıtsııa qyzmetkerin óz úıiniń aýlasynda betinen judyryqpen uryp jibergen. Osyǵan baılanysty sot isi qalalyq sotta qaraldy.

«Aıyptalýshy QR Qylmystyq Kodeksiniń 380-baby 3-bóligimen (Bılik ókiline ómirine nemese densaýlyǵyna qaýipti emes kúsh qoldaný) kináli dep tanyldy. Sot sheshimimen ol 2 jyl merzimge bas bostandyǵyn shekteldi. Endi er adamǵa osy ýaqyt aralyǵynda probatsııalyq baqylaý ornatylady», - delingen Rıdder qalalyq sotynyń málimetinde.

Úkim áli zańdy kúshine engen joq.

Eske salsaq, osyǵan deıin ShQO Aýyl sharýashylyǵy basqarmasynyń basshysy sottalǵanyn habarlaǵan edik.