Rıdderde polıtseıler qaraqshylyq qylmysty 5 saǵatta ashty
ÓSKEMEN. QazAqparat - Polıtsııa Rıdderde páter ıesine shabýyldaǵan úsh qylmyskerdi izinshe ustady, dep habarlady «QazAqparat» HAA tilshisi.
ShQO ІІD baspasóz qyzmetiniń habarlaýynsha, Rıdderde túnde eki er adam betperde kıip, 4-shi shaǵyn aýdandaǵy páterge kirgen. Úıdegi 47 jastaǵy úı ıesin pyshaqpen qorqytyp, aıaq-qolyn baılap tastaǵan. Artynsha qaskúnemder iri somada aqshany qoldy etip, boı tasalaǵan. Shyǵyn 2 mıllıonnan astam teńgeden baǵalandy. Tańerteń ǵana bosaǵan jábirlenýshi bolǵan jaǵdaıdy polıtsııaǵa habarlaǵan.
Rıdder qalalyq ІІB-de qurylǵan arnaıy jedel tergeý toby dereý qylmysty ashýǵa kiristi. 5 saǵattan keıin jedel izdestirý sharalary barysynda polıtseıler kúdiktilerdi ustady. 24, 27 jáne 29 jastaǵy úsh er adam ustaldy, olardyń bireýi buryn sotty bolǵan. Ýaqytsha ustaý ızolıatoryna qamaldy.
Polıtseıler urlaǵan aqshany kúdiktilerdiń turatyn jerinen tapty. Qazir atalmysh fakti boıynsha polıtsııa qyzmetkerleri QR QK 192-baby 2-bóligi boıynsha sotaldy tergeý júrgizýde.
