Rıdderde otqa oranǵan jer úıden 39 jastaǵy er adam qutqaryldy
ÓSKEMEN. QazAqparat – Shyǵys Qazaqstan oblysy Rıdder qalasynda órtengen jer úıden er adam qutqaryldy, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, Kolchın kóshesindegi jeke turǵyn úıde órt shyqqan.
Oqıǵa ornyna órt sóndirýshiler shuǵyl kelip jetti.
«Qyzyl jalyn úıdegi jeke zattardy, jıhaz ben edenniń aǵash qurylymdaryn sharpyǵan. Barlaý júrgizgen №1 mamandandyrylǵan órt sóndirý bóliminiń qyzmetkerleri 39 jastaǵy úı ıesin taýyp, syrtqa alyp shyqty. Jedel járdem dárigerleri sol aıaǵy kúıgen er adamdy birden aýrýhananyń qabyldaý bólmesine jetkizdi», - delingen aqparatta.
Kóp uzamaı jalpy aýdany 35 sharshy metrge jetken tilsiz jaý tolyqtaı aýyzdyqtaldy.
Aldyn ala málimet boıynsha órtti shyǵýyna otty abaısyz qoldaný sebep bolǵan.
