Rıdderde órtengen úıden 49 jastaǵy er adam qutqaryldy

ÓSKEMEN. KAZINFORM – Shyǵys Qazaqstan oblysy Rıdder qalasynda otqa oranǵan úıden 49 jastaǵy er adam qutqaryldy.

ShQO tótenshe jaǵdaılar departamenti baspasóz qyzmetiniń málimetine súıensek, Rıdder qalasyndaǵy Abaı kóshesinde órt shyqqan. 

Besinshi qabatta ornalasqan páterde jıhaz ben jeke zattar otqa orandy. Sol jerge órt sóndirý bólimshesiniń qyzmetkerleri kelip jetkenge deıin kórshileri 49 jastaǵy er adamdy qutqaryp qalǵan. 

— Órt sóndirýshiler ony tútin tumshalaǵan joǵarǵy qabattan evakýatsııalap, jedel járdem qyzmetkerlerine tabystady. Abyroı bolǵanda, onyń densaýlyǵyna eshqandaı zııan kelmedi. Kóp uzamaı jalpy aýdany 10 sharshy metrdi quraǵan tilsiz jaý tolyqtaı sóndirildi, — dep habarlady vedomstvo ókilderi. 

Aıta keteıik, aldyn ala derek boıynsha jalynnyń shyǵý sebebi — páter ishinde mas kúıde temeki shegýden.

Eske salsaq, osyǵan deıin Býrabaı aýdanynda saıajaı órtengeni habarlanǵan.