Rıdderde órt sóndirý kóligi apatqa ushyrap, 1 adam mert boldy
ÓSKEMEN. QazAqparat - Shyǵys Qazaqstannyń Rıdder qalasynda órt sóndirý kóligi aýdarylyp, bir adam kóz jumdy, - dep habarlaıdy QazAqparat tilshisi.
Chapaev kóshesimen órtti aýyzdyqtaýǵa asyǵyp bara jatqan ZIL-130 kóligi burylysta aýdarylyp qalǵan. Oblystyq ishki ister departamentiniń baspasóz qyzmetiniń málimdeýinshe, oqıǵa ornynan 5 adam aýrýhanaǵa jetkizilgen. Onyń biri jansaqtaý bóliminde kóz jumdy. Qaıǵyly jaǵdaı boıynsha Qylmystyq kodekstiń 345 babynyń 3 tarmaǵyna sáıkes sotaldy tergeý jumystary bastaldy.
«Oqıǵanyń mán-jaıy zerttelýde. Tótenshe jaǵdaılar bólimi kóliktiń arnaıy jaryq belgilerin qosyp qozǵalǵanyn aıtyp otyr. Ol belgini alda ketip bara jatqan jeńil kólik elemegen. Júrgizýshi álgi kólikti basyp ozbaq bolǵan kezde apat bolǵan. Jeńil kólik oqıǵa ornynan izin sýytyp úlgerdi. Qazir oǵan izdeý jarııalandy» - delingen departament taratqan aqparatta.
Oblystyq tótenshe jaǵdaılar departamenti qaıtys bolǵan órt sóndirýshiniń esimi Vladımır Sınelnıkov ekenin málimdedi. 46 jastaǵy bólimshe komandıriniń artynda 3 balasy qaldy.
