Rıdderde ormanda joǵalyp ketken er adam 3 kúnnen soń tabyldy
ÓSKEMEN. QazAqparat – Shyǵys Qazaqstan oblysy Rıdder qalasynyń irgesindegi ormanda joǵalyp ketken er adam 3 kúnnen soń tabyldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Rıdder qalasynyń turǵyny 17 tamyzda úıden ormanǵa sańyraýqulaq terýge shyǵyp ketken.
Jubaıynyń habarynan soń qutqarýshylar ony izdestire bastaıdy. 40 jastaǵy azamat 19 tamyzda Rıdder qalasynyń mańyndaǵy Poperechnoe aýylyna barar joldan tabyldy.
«Er adam atalǵan joldyń 20-shaqyrymynan tabylyp otyr. Onyń aıtýynsha, «Gaz 3110» markaly kóligi synyp, úıge qaıta almaı qalǵan. Rıdder qalasyna kelgen azamatty jan jary qýana qarsy aldy», - dep habarlady vedomstvo ókilderi.
