Rıdderde ormanda adasyp ketken 71 jastaǵy ájeni izdeýge tikushaq tartyldy
ÓSKEMEN. KAZINFORM – Shyǵys Qazaqstan oblysy Rıdder qalasynda ormanda adasqan áje aman-esen tabyldy.
Rıdder qalasynan 30 shaqyrym qashyqtyqtaǵy taýly jerlerdegi orman alqabynda 71 jastaǵy qart áıel adasyp ketken.
Belgili bolǵandaı, ol shóp jınaý úshin ormanǵa ketip, sol kúıi úıine oralmaǵan. Táýlik boıy zeınetkermen baılanys ornatý múmkin bolmaǵan. Qutqarýshylarǵa habar túse salysymen olar izdeýge kiristi. Jetýi qıyn, taýly ári qalyń aǵashty jer izdeý jumystaryn qıyndata tústi.
- Birden aýqymdy izdestirý-qutqarý operatsııasy qolǵa alyndy. Aýmaqty áýeden tekserý úshin TJM «Qazavıaqutqarý» AQ tikushaǵy tartyldy. Sondaı-aq jerasty qutqarý toptary da jumyldyryldy. Áýeden barlaý barysynda joǵalǵan adam orman alqabynyń arasyndaǵy ashyq aýmaqtan tabyldy. Qutqarýshylar ony jedel járdem brıgadasyna tapsyrdy, - dep habarlady ShQO TJD baspasóz qyzmetinen.
Eske salsaq, osyǵan deıin Aqtóbede bir apta buryn iz-túzsiz ketken dárigerdiń denesi tabylǵany habarlanǵan.