Rıdderde Qyzyl kitapqa engen ósimdikti julǵan 3 adam sottaldy
ÓSKEMEN. QazAqparat – Shyǵys Qazaqstan oblysy Rıdder qalasynyń turǵyndary Qyzyl kitapqa engen ósimdikti julǵany úshin sottaldy, dep habarlaıdy QazAqparat tilshisi.
ShQO boıynsha QAJ departamenti baspasóz qyzmetiniń málimetine súıensek, Rıdder orman sharýashylyǵy aýmaǵyndaǵy Razlevanka ózeniniń janynda úsh er adam joıylyp ketý qaýpi bar ósimdikterdi julǵan.
Belgili bolǵandaı, olar Qyzyl kitapqa engen ósimdiktiń 250-den astam sabaǵyn kesti.
Sottalǵandardyń aıtýynsha, olar ósimdikten salat jasamaqshy bolǵan. Rıdder qalalyq sotynyń úkimimen aıyptalýshylardyń QR QK-niń 339-baby 2-bóligi 2-tarmaǵyna sáıkes úsh jylǵa bas bostandyqtary shekteldi.
«Sottalǵandar probatsııa qyzmetine esepke qoıyldy. Qazirgi ýaqytta er adamdarmen profılaktıkalyq jumys júrgizilýde. Eger olar qaıta quqyq buzýshylyq jasaǵan jaǵdaıda bas bostandyǵynan shekteý jazasy – bas bostandyǵynan aıyrýǵa aýysýy múmkin», - dedi Rıdder qalalyq probatsııa qyzmetiniń bastyǵy Almıra Maıylhanova.
