Rıdderde kólik aýdarylyp, 2 adam zardap shekti

ÓSKEMEN. QazAqparat – Shyǵys Qazaqstan oblysy Rıdder qalasynda aýdarylǵan kólikten 2 adam shyǵa almaı qalǵan, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, jol-kólik oqıǵasy 10 tamyzda Rıdder qalasyndaǵy kóshelerdiń birinde bolǵan.

«Jolda kele jatqan «ÝAZ» markaly avtokólik júrgizýshi rýlge ıe bola almaı qaldy. Kólik sonyń saldarynan aýdarylǵan. Salonda otyrǵan 2 adam syrtqa shyǵa almaı, qutqarýshylarǵa habarlasty. Kóp uzamaı oqıǵa ornyna TJD qyzmetkerleri kelip jetken», - dep habarlady vedomstvo ókilderi.

Qutqarýshylar olardy arnaıy quraldardyń kómegimen alyp shyqty. Zardap shekken azamattar jedel járdem dárigerlerine tapsyryldy.