Rıdderde kóktaıǵaq saldarynan KamAZ balalar oıyn alańyna soǵyldy
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy túski ýaqytta Gesovskaıa kóshesinde bolǵan.
«KamAZ» kóligin 50 jastaǵy er adam tizgindep kele jatqan. Joldy jáne meteorologııalyq jaǵdaıdy eskermegen júrgizýshiniń qaýipsiz jyldamdyqty tańdamaýy saldarynan aýyr júk kóligi №16 úıdiń janyndaǵy balalar oıyn alańyna soǵyldy. Soqqydan kólikte turǵan júk aýdarylyp, qosalqy transformatorlyq stansany zaqymdady», - delingen aqparatta.
Abyroı bolǵanda, alańda bolǵan ata-analar men balalarǵa eshqandaı zaqym kelgen joq. Júrgizýshi de jaraqat almaǵan.
«Er adamǵa qatysty QR ÁQBtK-niń 610-baby 1-bóligimen ákimshilik hattama toltyryldy. Bul bap boıynsha oǵan 20 AEK mólsherinde aıyppul salynyp nemese alty aıǵa deıingi merzimge kólik quralyn basqarý quqyǵynan aıyrylý jazasy taǵaıyndalýy múmkin», - delingen habarlamada.