Rıdderde qatty jeldiń saldarynan birneshe kóshe turǵyndary jaryqsyz qaldy

ÓSKEMEN. QazAqparat – Shyǵys Qazaqstan oblysy Rıdder qalasynda qatty jeldiń saldarynan birneshe kóshe turǵyndary jaryqsyz qaldy, dep habarlaıdy QazAqparat tilshisi.

Kesheli beri Rıdderde qatty jel soǵyp tur. Sonyń saldarynan birneshe kóshede elektr jelileri úzilip, turǵyn úılerde jaryq sóndi.

«Shyǵysenergotreıd» kompanııasynyń málimetine súıensek, qazirgi ýaqytta 4 apattyq brıgada qalypqa keltirý jumystaryn júrgizip jatyr. Bul elektr jelileri qalalyq turǵyn úı-kommýnaldyq sharýashylyǵy bóliminiń balansynda.

Sondaı-aq, «Tavrııa EJA» ókilderi kómekke tartyldy. «OESK» AQ men TÚKSh bóliminiń qyzmetkerleri jaryqtyń jyldam qosylýy úshin kúsheıtilgen rejımde jumys istep jatyr.