Rıdderde qarýlanǵan 3 jigit jergilikti kompanııany tonap ketti
ÓSKEMEN. QazAqparat - Shyǵys Qazaqstan oblysynyń Rıdder qalasynda jergilikti kompanııalardyń birin qarýmen tonamaq bolǵandar ustaldy, dep habarlaıdy QazAqparat tilshisi.
Oqıǵa 8 sáýirde bolǵan. Túngi saǵat 00.40 shamasynda betperde kıgen 3 adam jergilikti JShS ǵımaratyna basyp kirgen. Sol sátte tonaý týraly dabyl qalalyq ishki ister bólimine kúzet agenttiginen túsipti.
«Habar túsken boıda Rıdder qalalyq ishki ister bóliminiń jeke quramy jumysqa kiristi. Kóp ótpeı kúdiktiler qolǵa tústi», - delingen oblystyq ishki ister departamentiniń baspasóz qyzmeti taratqan málimette.
Polıtsııa qyzmetkerleri 36, 34 jáne 32 jastaǵy 3 kúdiktini ýaqytsha qamaýǵa alǵan. Onyń ekeýi buryn da sotty bolǵany anyqtaldy.
Bul oqıǵa boıynsha Qylmystyq kodekstiń 192-babynyń 2-tarmaǵy boıynsha sotaldy tergeý bastaldy.
Foto: static1.squarespace.com
