Rıdderde ıtin polıtseılerge aıtaqtaǵan er adam sottaldy
Rıdder qalalyq sotynda qaralǵan sot isiniń materıaldarynan belgili bolǵandaı, er adam kóshede ıtin serýendetip júrgende ony polıtsııa qyzmetkerleri toqtatqan. Saqshylar oǵan urlyq jasaý qylmysyna kúdikti retinde polıtsııa bólimshesine barýǵa tıis ekendigin jetkizedi. Qala turǵynynyń ústinen ógeı ákesi aryz jazǵan.
«Er adam ógeı ákesiniń aryzdy qaıtaryp alǵanyn, polıtseıler úıge barsa onyń bul sóziniń rastyǵyna kózderi jetetindigin aıtty. Alaıda esikti ashqan ógeı ákesi aryzdy qaıtaryp almaıtynyn alǵa tartqan. Sol kezde tártip saqshylary kúdiktige ózderimen birge bólimshege júrýin talap etedi», - delingen aqparatta.
Biraq quqyq qorǵaý organy qyzmetkerleriniń zańdy talabyna baǵynbaǵan azamat olarǵa ıtin aıtaqtaǵan. Polıtseılerge shabýyl jasaǵan ıt bireýiniń qolyn tistep alady. Janýardy súırep áketpek bolǵan ekinshi saqshy da zardap shekti. Sodan soń ıt qashyp ketken. Polıtseıler Rıdder qalasynyń turǵynyn ýaqytsha ustaý ızolıatoryna qamaýǵa aldy.
«Medıtsınalyq saraptama nátıjesi kórsetkendeı, aıyptalýshy mas kúıde bolǵan. Óz kinásin tolyqtaı moıyndaǵan ol polıtsııa qyzmetkerlerinen keshirim surady. Sot sheshimimen sottalýshy bir jarym jylǵa bas bostandyǵynan shekteldi», - delingen sot úkiminde.
