Rıdderde ekinshi aýysymdaǵy 1-9 synyp oqýshylary mektepte barmaıdy

RIDDER. QazAqparat – Shyǵys Qazaqstan oblysyndaǵy Rıdder qalasynda ekinshi aýysymdaǵy 1-9 synyp oqýshylary onlaın oqıdy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 15 jeltoqsanda Rıdderde aýa temperatýrasynyń 25 gradýsqa deıin tómendeýine jáne jyldamdyǵy sekýndyna 3 metrge jetetin jel soǵýyna baılanysty ekinshi aýysymdaǵy 1-9 synyp oqýshylary onlaın formatta oqıtyn boldy. Tańerteń de qaladaǵy atalǵan synyptardyń oqýshylary mektepke barmaǵan edi.

«Sondaı-aq búgin Altaı, Ulan, Kókpekti, Glýbokoe, Katonqaraǵaı aýdanynda birinshi aýysymdaǵy 1-4 synyptar, Kúrshim aýdanynda 1-9 synyptar, Katonqaraǵaı aýdany Aqsý, Barlyq, Novo-Polıakovka aýyldarynda 1-11 synyptar qashyqtan bilim alǵan bolatyn», - dep habarlady vedomstvo ókilderi.