Rıdderde eki polıtseıdi uryp-soqqan er adam sottaldy

ÓSKEMEN. QazAqparat – Shyǵys Qazaqstan oblysy Rıdder qalasynda eki polıtseıdi uryp-soqqan er adam 3 jylǵa bas bostandyǵynan shekteldi, dep habarlaıdy QazAqparat tilshisi.

ShQO sotynyń baspasóz qyzmetinen málim bolǵandaı, Rıdder qalalyq polıtsııa bóliminiń front-keńsesine kelgen er adam tártip saqshylaryn boqtaǵan.

Onymen qoımaı eki polıtseıdiń betine soqqy jasady.

Osyǵan baılanysty sot isi Rıdder qalalyq sotynda qaraldy. Sot barysynda aıyptalýshy óz kinásin tolyqtaı moıyndady.

«Sot sheshimimen er adam QR Qylmystyq Kodeksiniń 380-baby 4-bóligi 1-tarmaǵy (bılik ókiline qarsy ómirge nemese densaýlyqqa qaýipti emes kúsh qoldaný) jáne 378-baby 1-bóligimen (bılik ókilin qyzmettik mindetterin oryndaý kezinde qorlaý) kináli dep tanyldy. Oǵan 3 jyl merzimge bas bostandyǵynan shekteý jazasy taǵaıyndaldy. Úkim zańdy kúshine endi», - delingen habarlamada.