Rıdderde balasyn úshinshi qabattan qulatyp alǵan áıelge aıyppul salyndy

ÓSKEMEN. QazAqparat – Shyǵys Qazaqstan oblysy Rıdder qalasynda balasyn úshinshi qabattan qulatyp alǵan áıelge aıyppul salyndy, dep habarlaıdy QazAqparat tilshisi.

Osyǵan deıin Rıdderde áıel adamnyń 2 jasar balasyn balkonnan qulatyp alǵany habarlanǵan edi.

«Balasymen qonaqta bolǵan 20 jastaǵy qala turǵyny óz úıine qaıtpaq bolǵanda páter esigi kilttelip turǵan. Sol kezde mas áıel balasymen birge balkon arqyly syrtqa shyqpaq bolǵanda bala qarǵa qulap ketken. Birden aýrýhanaǵa jetkizilgen bala aýyr jaraqat almaǵany belgili boldy», - delingen ShQO Polıtsııa departamentiniń aqparatynda.

Sonda da polıtseıler jaýapsyzdyq tanytqan áıelge aıyppul saldy. Endi ol QR ÁQBtK-niń 127-babyna sáıkes 30 630 teńge tóleýge mindetteldi.

Budan bólek, áıel adamdy ata-ana quqyǵynan aıyrý máselesi qaralmaq.